Vuhanit i kërkohet të rinisë punën – Vetëm 24 raste të reja të Covid-19 në Kinë
Disa industrive të rëndësishme në Vuhan, që është epiqendra e koronavirusit, i’u bë thirrje që të rinisin punën, një ditë pasi presidenti Xi Jinping vizitoi qytetin për të parën herë që prej nisjes së virusit. Qyteti prej 11 milionë njerëz ka qenë në karantinë që prej fundit të muajit Janar, por vizita e presidentit sinjalizoi se situata po kthehet në favor të qeverisë, që po lufton përmbajtjen e virusit. Deri ditën e Mërkurë, virusi kishte infektuar 80,778 njerëz dhevrarë 3,158 në Kinë.
Autoritetet në vende të tjera të Kinës ulën reagimin emergjent në nivel të epidemisë dhe qetësuan kufizimet në udhëtim. Duke marrë besim nga vizita e presidentit dhe rënia e infeksioneve, qeveria lokale e Hubeit deklaroi se punëtorët e transportit publik dhe prodhuesit e pajisjeve mjekësore në Vuhan do të lejohen të rikthehen në punë. Qeveria deklaroi se industri të tjera që ndikojnë tek zinxhirët e furnizimit kombëtar dhe botëror, mund të kthehen gjithashtu në punë. Vuhani zë 10% të prodhimit të makinave në Kinë dhe ka fabrika të qindra furnitorëve të pjesëve. Pavarësisht se ekonomia po operon me 25% nën niveleve normale, aktiviteti do të rimëkëmbet plotësisht deri në fund të muajit Prill, sipas analistëve.
Prodhuesi japonez i makinave, Nissan, deklaroi se planifikon të rinisë pjesërisht prodhimin në dy fabrika kineze, një prej të cilave ndodhet në Hubei. Rivali Honda deklaroi se disa punëtorë janë rikthyer në punë në fabrikën në Vuhan.
Duke rritur besimin e investitorëve, Komisioni Kombëtar i Zhvillimit dhe Reformave deklaroi se do të ndihmojë firmat me kapital të huaj që të rinisin punën dhe zgjerojë sektorët nën të cilët inkurajohen investimet e huaja.
Pavarësisht zbutjes së masave, qeveria e Hubeit bëri të ditur se transporti në Vuhan do të qëndrojë i mbyllur dhe shkollat në provincë gjithashtu.
Komisioni Kombëtar i Shëndetit deklaroi se ishin regjistruar vetëm 24 raste të reja të koronavirusit në të gjithë vendin dhe 22 vdekje, të gjitha në Vuhan.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.