Xhaçka merr detyrën si Ministre e Jashtme – Prioritet integrimi, përmirësimi i shërbimeve në ambasadat jashtë vendit
Një ditë pas votimit në Kuvend, ministrja e re e Jashtme, Olta Xhaçka është prezantuar nga kryeministri Edi Rama. Kryeministri fillimisht falënderoi ish-ministrin Cakaj, duke thënë se punoi në një periudhë të vështirë dhe u sulmua padrejtësisht, e me gjithë largimin bashkëpunimi do të vijojë.
Nga ana e saj Olta Xhaçka, u ndal te prioritetet duke thënë se synon përmirësimin e mëtejshëm të shërbimeve në ambasada por edhe në konsullatat që ofrojnë shërbime për shqiptarët jashtë shtetit. Një element I rëndësishëm është edhe përgatitja për të qenë në Këshillin e Sigurisë në OKB.
Gjithashtu të martën ka marrë detyrën e re edhe ministri I Mbrojtjes Niko Peleshi.
Arbër Hitaj / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.