Xhiro dhe konsum i dobët – Zusi: Rënia e të ardhurave e pritshme, shkak mbiçmimi i lekut
Mosrealizimi i të ardhurave në buxhetin e shtetit dhe goditja që TVSH vijon të japë për të disatin muaj radhazi, është një situatë e paralajmëruar që herët nga eksportuesit dhe që pritej të ndodhte.
Në një intervistë për TV SCAN, kreu i Qendrës së Eksporteve Shqiptare, Alban Zusi shprehet se shkaku kryesor është mbiçmimi i lekut, i cili shkaktoi efekt zinxhir negative në ekonomi.
Zusi paralajmëron se kjo situatë do të vazhdojë edhe në muajt e ardhshëm dhe do të ndjehet më së shumti me mbylljen e sezonit turistik.
Edhe për muajin Korrik nuk u arrit të realizohej plani i të ardhurave, ndërsa TVSH-ja vijoi kontributin negativ në buxhet me rënie në 2.5 miliardë lekë krahasuar me një vit më parë.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.