Xiaomi padit në gjyq Departamentin e Mbrojtjes në SHBA: “Nuk kemi lidhje me ushtrinë kineze”

Prodhuesi kinez i smartphone Xiaomi Corp tha të Dielën se ankesa e saj ligjore kundër Departamentit të Mbrojtjes të SHBA dhe Departamentit të Thesarit ishte për të mbrojtur interesat e kompanisë, në një njoftim në bursën e Hong Kongut.

Kompania paraqiti një ankesë në një gjykatë të qarkut në Uashington të Premten kundër Departamenteve të Mbrojtjes dhe Thesarit të SHBA, duke kërkuar të hiqte prodhuesin kinez të smartphone-ve nga një listë zyrtare e kompanive me lidhje me ushtrinë e Kinës.

Xiaomi tha se vendimi i SHBA për të përfshirë kompaninë si një “kompani ushtarake kineze komuniste” ishte “faktikisht i pasaktë” dhe tha se u kishte kërkuar gjykatave ta shpallnin vendimin të paligjshëm.

Departamenti i Mbrojtjes, nën administrimin e Trump në mes të janarit, shtoi Xiaomi dhe tetë kompani të tjera në listë, e cila u kërkon investitorëve amerikanë të zhvendosin zotërimet e tyre në firma brenda një afati të caktuar.

Xiaomi ka thënë se 75% e të drejtave të votimit të kompanisë, nën një strukturë të ponderuar, mbaheshin nga bashkëthemeluesit Lin Bin dhe Lei Jun, pa asnjë pronësi ose kontroll nga një individ apo entitet i lidhur me ushtrinë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.