Youtube bllokon llogaritë kundër vaksinave – “Keqinformimi mbi Covid është përhapur edhe tek vaksinat e tjera”

Youtube i zotëruar nga Google, ka ndaluar llogaritë e dukshme kundër vaksinës, në përpjekje për të fuqizuar politikat mbi keqinformimin në lidhje me vaksinën, sipas një deklarate të kompanisë.  Youtube do ndalojë gjithashtu keqinformimin mbi të gjithë vaksinat që janë konfirmuar të sigurta nga Organizata Botërore e Shëndetësisë dhe autoritetet lokale. Kompanitë e mediave sociale kanë thënë që në fillim të pandemisë se po përpiqen të ndalojnë përhapjen e keqinformimit të koronavirusit.

Megjithatë,  mashtrimet kanë vazhduar të mbizotërojnë ndërkohë që kompanitë po hasin vështirësi të kontrollojnë postimet e pafundme në platformat e tyre.  Nën këtë mbikqyrje të re, një zëdhënës i Youtube konfirmoi se ka hequr faqet e lidhura me keqinformim të nivelit të lartë, si Joseph Mercola, Erin Elizabeth, Sherri Tenpenny dhe Fondi i Mbrojtjtes së Shëndetit të Fëmijëve.   Deri më tani, Youtube ka ndaluar video që thonin se vaksina është jo efektive apo e rrezikshme. Nën politikën e re, do të bllokojë video që përhapin keqinformim mbi të gjitha vaksinat e përdorura gjerësisht, si vaksina MMR, që mbron nga fruthi, shytat dhe rubeola.

“Ne kemi parë vazhdimisht pretendime false mbi vaksinat e Covid që kthehen në keqinformim edhe mbi vaksinat e tjera dhe jemi në pikën që është më e rëndësishme se kurrë të zgjerojmë politikat që nisëm me covid”- deklaroi kompania.  Kjo nuk është punë e lehtë pasi moderatorët mund të heqin një postim apo llogari dhe ta krijojnë pak më vonë si ç’ishte rasti me teorinë konspirative “Plandemic” që u bë virale në facebook dhe Youtube në vitin e kaluar. Sipas Youtube, janë hequr mbi 130,000 video për shkeljen e politikave të vaksinës së Covid në vitin e kaluar.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.