Yusaku Maezawa shet aksionet e Zozo tek Yahoo Japan per 3.7 miliard dollarë

Miliarderi japonez Yusaku Maezawa ka pranuar të shesë pjesën më të madhe të aksioneve të tij në firmën e modës në internet Zozo në Yahoo Japan, si pjesë e një marrëveshje me vlerë 3.7 miliard dollarë.

Z. Maezawa, i njohur për koleksionin e tij të shkëlqyeshëm të artit dhe ambiciet e udhëtimit në hapësirë, gjithashtu do të tërhiqet si shefi ekzekutiv. Zozo është shitësi më i madh në internet i modës në Japoni, por ka luftuar kohët e fundit pasi fitimet kanë pësuar rënie.

Kompania gjithashtu bëri një përpjekje të dështuar për veshje të përshtatshme, nga ku më vonë ka mbyllur çdo aktivitetet të saj në Evropë dhe në Amerikë. Yahoo Japan, e cila është një nga degët e konglomeratit të teknologjisë dhe investimeve të Softbank, ka ofruar të paguajë 400 miliardë jen për 50.1% të aksioneve në Zozo.

Masa do të lejonte Yahoo Japan të konkurronte më mirë me rivalët e Amazon dhe Rakuten. Si pjesë e marrëveshjes, Z. Maezawa pranoi të shesë një aksion prej rreth 30% në Yahoo Japan dhe do të tërhiqet nga puna kryesore e Zozo.

“Unë do t’i besoj Zozo një presidenti të ri dhe do të marr rrugën time,” tha ai në një postim në Twitter. 43-vjeçari së pari u bë i famshëm si baterist në grupin e punk Switch Style, por suksesin e tij e pati në fushën e modës.

Ai ka një vlerë prej $ 2.2 miliard dollarë, sipas Forbes, dhe ka shpenzuar një pjesë të madhe të pasurisë së tij në art. Vitin e kaluar ai u emërua si pasagjeri i parë privat që do të nisej drejt Hënës nga SpaceX, kompani e cila tashmë është në pronësi të një tjetër miliarderi të famshëm, Elon Musk.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.