Zaptim i paligjshëm i plazhit publik – IKMT shemb objektin në zonën e bregdetit të Durrësit

Strukturat e Drejtorisë Vendore të Policisë Durrës kanë bërë me dije se në kuadër të parandalimit dhe goditjes se krimeve mejdisore, si dhe për të mbështetur IKMT-në për prishjen e ndërtimeve pa leje që sjellin zënien e hapësirave publike vazhdojnë të jenë të angazhuara me kontrolle dhe inspektime në të gjithë vendin.

Sipas njoftimit të Policisë në lagjen nr. 13, Durrës, është shembur objekti i shtetasit I. K., i cili, para lokalit të tij, kishte zaptuar në mënyrë të paligjshme një sipërfaqe toke, pronë publike plazh, duke e rrethuar me mur plate betoni.

Policia e Shtetit bën me dije se vazhdon prishja e pedanave të vendosura pa leje në objektin e shtetasit D. Sh., i cili kishte zënë në mënyrë të paligjshme hapësirën publike dhe disa ditë më parë është proceduar nga ana e IKMT-së, për veprën penale “Zënia e hapësirave publike”.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.