Zbardhet relacioni/ Sa biznese do të përfitojnë nga heqja e tatimfitimit? Pesha në buxhet, -300 milionë lekë në vit

Në Kuvend është depozituar nisma ligjore që heq detyrimin për pagesën e tatimfitimit për bizneset me qarkullim vjetor deri në 14 milionë lekë.

Me anë të këtij projektligji propozohet që tatimpaguesit, me qarkullim deri në 14 milionë lekë të mos tatohen, pra norma e tatimfitimit të jetë në shkallën 0%. Nga kjo lehtësi do të përfitojnë 12 257 subjekte.

Aktualisht, norma tatimore për efekt të tatimit mbi fitimit bazohet në qarkullimin vjetor të tatimpaguesve dhe konkretisht shkalla e tatimit mbi fitimin është:

– 5 % për tatimpaguesit me të ardhura deri në 14 000 000 lekë në vit.

– 15 % për tatimpaguesit me të ardhura mbi 14 000 000 lekë në vit.

Më propozimin e ri bëhet:

Shkalla e tatimit mbi fitimin është:

– 0% për tatimpaguesit me të ardhura deri në 14 000 000 lekë në vit.

– 15% për tatimpaguesit me të ardhura mbi 14 000 000 lekë në vit.”

Ndryshimi që heq detyrimin për të paguar tatim-fitim parashikohet të aplikohet nga 1 janari i vitit 2021. Efektet në buxhetin e shtetit nga parashikimet e këtij projektligji vlerësohen përafërsisht në masën -300 milionë lekë/vit, ku do të përfitojnë rreth 12 mijë e 257 subjekte.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.