Zbardhet shkresa, në Kuvend depozitohet kërkesa zyrtare për lirimin nga detyra të kreut të Autoritetit të Mbikëqyrjes Financiare

Në Kuvend është depozituar një kërkesë zyrtare nga ana e anëtarëve të Bordit të Autoritetit të Mikëqyrjes Financiare ku kërkohet lirimi nga detyra e kreut të Autoritetit, Enkeleda Shehi. Shkresa mban datën 22 shkurt e ka të bashkëlidhur edhe një vendim të një ditë më parë, ku përcaktohen edhe arsyet mbi të cilat argumentohet kjo kërkesë që i drejtohet kreut të komisionit të Ekonomisë Erjon Braçe e për dijeni edhe kabinetit të kryeministrit.

“Bordi i Autoritetit të Mbikëqyrjes Financiare në mbledhjen e darës 21 shkurt 2017 shqyrtoi përputhshmërinë ligjore të veprimtarisë së Drejtorit të Përgjithshëm Ekzekutiv dhe vendosi t’i propozojë Kuvendit të Shqipërisë lirimin e znj.Enkeleda Shehi nga detyra e anëtarit të Bordit, në funksionin e Drejtorit të Përgjithshëm Ekzekutiv të AMF”, shkruhet në kërkesën e siguruar nga gazetarja e televizionit SCAN, Violeta Shqalsi.

Përplasjet mes kreut të AMF dhe anëtarëve të Bordit janë shfaqur në publik që në mesin e vitit të kaluar e kishin të bënin kryesisht me vendimmarrjen e me rekrutimet në institucion.

SCAN

Mëposhtë kërkesa e plotë:

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.