Zbehen shpresat për turizmin në Europë / Virusi Delta dhe mungesa e britanikëve do të rëndojnë vendet jugore
Sezoni turistik i Verës, që është i rëndësishëm për ekonomitë e jugut të Europës, prite të jetë i dobët ndërkohë që përhapja e variantit Delta të koronavirusit dhe barrierat në udhëtime, do të mbajnë britanikët dhe turistë të tjerë në shtëpi. Certifikata e udhëtimit të Covid e Bashkimit Europian, e nisur këtë javë, mund të ndihmojë disa itenerarë, por të mbërriturit në zonat turistike nga Portugalia e Kroacia, pritet të jenë shumë poshtë niveleve normalë, duke vendosur bizneset dhe mikpritjen në rrezik. “Rimëkëmbja e turizmit në Portugali ka arritur në një ndalesë”- tha Raul Martins, kreu i sindikatës së hoteleve në vend, duke i’u referuar kufizimeve nga Britania dhe Gjermania, që janë turistët kryesor në plazhet e Portugalisë.
Përhapja e shpejtë e variantit Delta po rrit rastet në Albufeira, zonën e nxehtë turistike, dhe zë thuajse gjysmën e infeksioneve të reja në Lisbonë. Përveç kësaj, vendimi i Britanisë në muajin e kaluar për të nxjerrë Portugalinë nga lista e gjelbër e destinacioneve dhe vendimi i Gjermanisë për të ndaluar udhëtimet atje, sollën një goditje përpara prezantimit të certifikatës së vaksinimit. Në Greqi, ku turizmi përbën 20% të ekonomisë, banka qendrore theksoi shqetësime mbi variantet e reja dhe uli projeksionet për të ardhurat nga turizmi në vitin 2021, nga 50% në 40% të nivelit të 2019-s, vit ku vendi priti 33 milionë vizitorë. Grigoris Tassios, kreu i shoqatës greke të hotelierëve, tha se norma mesatare e zënies së hoteleve në të gjithë vendin ishte 35-45%.
Sipas tij prenotimet kanë ngecur prej pasigurisë nga virusi. Spanja është pak më optimiste, duke rritur vlerësimet për numrin e turistëve në 45 milionë, apo rreth 54 % e niveleve të 2019, nga 42 milionë që parashikoi muajin e kaluar. Ministria e turizmit është optimiste kryesisht nga turistët gjermanë, duke pritur një numër prej 3.8 milionë këtë vit, në rreth 77% të nivelit të 2019-s.
Klevis Llaha – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.