“Zbehet” interesi për biznes – Çdo vit e më pak subjekte të reja, 2019-ta regjistron shifrat më të ulëta
Politikat fiskale të ndërmarra nga qeveria me qëllim përmirësimin e klimës së biznesit gjatë viteve të fundit, duket se nuk janë pasqyruar në rritje të interesi për vetëpunësim në Shqipëri. Po të analizojmë shifat zyrtare të Qendrës Kombëtare të Biznesit, ndër vite, vihet re se viti 2019 është më i dobti në këtë drejtim dhe ka numri më të ulët të subjekteve të regjistruara rishtazi. Konkretisht në 2019-ën, u regjistruan 15.779 biznese të reja, shifra më e ulët, të paktën që nga viti 2014.
Referuar të dhënave të përpunuara nga TV SCAN, në 2014-ën u regjistuan 16.731 subjekte, për të arritur shifrën rekord në vitin 2015 me 39.650 biznese të reja, ndërsa më pas shifrat kanë pësuar një rënie progresive nga viti në vit duke treguar një zbehje të interesit për të hapur një biznes nga ana e qytetarëve shqiptarë apo të huja dhe për t’u vetëpunësuar. Në këtë pikë mund të ketë ndikuar pasiguria për të investuar, ndryshimi i shpeshtë i politikave fiskale, emigracioni, etj. Rënia ka vijuar edhe në 6 mujorin e parë të 2020-ës, ku rezultojnë të jenë hapur 1660 biznese më pak se e njëjta periudhë e një viti më parë, gjë që lidhet edhe me situatën e krijuar nga COVID-19 dhe frikën për të marrë iniciativa të reja.
Biznese të reja
Viti 2014 16.731
Viti 2015 39.650
Viti 2016 19.090
Viti 2017 19.042
Viti 2018 18.624
Viti 2019 15.779
Biznese të reja
6-mujori 2019 8586
6 mujori 2020 6928
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.