Zbulohen tre raste me variantin e ri të COVID në Kosovë, ministri Zemaj: “Situata paraqitet e qëndrueshme”
Ministri në detyrë i Shëndetësisë në Kosovë, Armend Zemaj, në një dalje të tijën në konferencë për media ka thënë se nga 30 mostrat që kanë dërguar për analiza në Gjermani, tri prej tyre kanë rezultuar positive me variantin e ri të COVID:
“Ditëve të kaluara IKSHPK ka dërguar 30 mostra për testim në Gjermani, për variantin e ri të virusit pas shfaqjes së tij në më shumë se 70 vende të botës. Nga rezultatet e marra tri mostra kanë rezultuar pozitive në testimin preliminar në variantin B117”, ka thënë Zemaj.
Ai ka shtuar se ky variant është raportuar për herë të parë në Britaninë e Madhe.
Zemaj ka shtuar se situatën epidemiologjike jemi duke e monitoruar në vazhdimësi dhe paraqitet stabile dhe e qetë.
Në anën tjetër drejtori i IKSHPK-së, Naser Ramadani, ka thënë se janë duke u hulumtuar kontaktet e personave që kanë rezultuar pozitiv me variantin e ri të coronavirusit.Ramadani ka shtuar se masat parandaluese janë të njëjta.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.