Zbulohen tre raste të reja të Koronavirusit në Italinë Veriore!

Tre persona kanë rezultuar pozitiv ndaj Koronavirusit në pjesën veriore të Italisë, pikërisht në Lombardi, bënë me dije burime zyrtare lokale.

Duke kërkuar parandalimin e një përhapjeje të mëtejshme të virusit, zyrtarët u kërkuan banorëve të qyteteve veriore të Codogno dhe Castiglione d’Adda të qëndrojnë në shtëpi dhe të shmangin çdo tubim shoqëror.

Giulio Gallera, një anëtar i qeverisë rajonale të Lombardisë, tha se pacienti fillestar u sëmur pasi u takua me një mik të tij, i cili ishte kthyer kohët e fundit nga Kina. Ai tani ishte në kujdesin intensiv.

Dy personat e tjerë të infektuar ishin gruaja e 38-vjeçarit dhe një nga miqtë e tij. Asnjë nga tre personat nuk kishte qenë vetë në Kinë. Autoritetet lokale po gjurmon të gjithë personat me të cilët kishin rënë në kontakt të infektuarit dhe për këtë rreth 100 njerëz janë duke u testuar për virusin.

Para të Premtes, vetëm tre persona ishin konfirmuar në Itali se kishin virusin që u shfaq në qytetin kinez Wuhan në fund të vitit të kaluar. Dy turistë kinezë që erdhën nga Wuhan u testuan pozitivisht në Romë në fund të janarit, ndërsa një italian që u kthye nga qyteti kinez me një fluturim të veçantë që riatdhesonte rreth 56 shtetas u shtrua në spital një javë më vonë.

Kina ka pasur më shumë se 75.400 raste të infektuar me Koronavirus dhe 2.236 njerëz kanë vdekur deri më tani, shumica në provincën Hubei dhe kryeqytetin e saj Wuhan. (Reuters)

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.