Zbulohet autori i sulmit kibernetik financiar më të madh në botë! Gropë 120 milion euro, më shumë se 230 mijë të prekur
Identifikohet nga Policia Postare autori i “sulmit më të madh kibernetik financiar në Itali, një prej më të mëdhenjve të realizuar ndonjëherë në botë në sektorin e kriptovalutave”. ANSA raporton se bëhet fjalë për një fiorentin 34 vjeçar që është përgjegjës për një ‘gropë’ 120 milionë euro në platformën informatike që ka sulmuar “Bitgrail”.
Janë më shumë se 230 mijë persona që janë prekur. Në këtë mënyrë, Policia Postare italiane vendos, sipas ANSA-s, “një gur themeli në nivel botëror në sektorin e hetimeve të kriptovalutave, me një hetim unik në llojin e tij dhe me impakt të madh teknologjik”
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.