Zbulohet një vrimë misterioze në Mars – NASA: Zgavra mund të ruajë gjurmë jete!
Ekziston një vrimë misterioze në Mars: e vendosur përgjatë shpatit perëndimor të vullkanit Pavonis Mons, duket të ndodhet goja e një shpelle, e gdhendur ndoshta nga veprimtaria vullkanike. Imazhi i tij u mor në sajë të instrumentit Hirise e sondës MRO (Orbita e Njohjes së Marsit) të NASA-s dhe menjëherë tërhoqi vëmendjen e studiuesve: zgavra në të vërtetë mund të ruaj gjurmë jete, duke i mbrojtur ata nga rrezatimet që bombardojnë sipërfaqen e Planetit të Kuq.
Analiza e figurës (e marrë në vitin 2011) dhe krahasimi me ato të marra më vonë, i lejoi studiuesit të vlerësojnë se vrima ka një diametër prej rreth 35 metra. Ndriçimi i veçantë i shpellës sugjeron një thellësi prej 20 metrash.
Ende nuk është e qartë pse vrima është e pajisur me një krater rrethor, ashtu siç mbetet për tu kuptuar shtrirja reale e shpellës.
Formacione të tilla nëntokësore, shpjegon NASA, mund të bëhen objekt eksplorimesh në të ardhmen, të kryera me sonda, robotë dhe madje edhe astronautë. (ANSA)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.