Zbuten tensionet tregtare – Trump dhe Xi Jinping ndryshojnë qëndrim për ZTE dhe Qualcomm

Shtetet e Bashkuara dhe Kina kanë sinjalizuar vullnetin për të shmangur luftën e kushtueshme tregtare, ndërkohë që Donald Trump i ofroi një mundësi prodhuesit të pajisjeve të telekomunikacionit ZTE dhe Xi Jinping nisi grupin ekonomik në Washington.

Zv/kryeministri Liu He, që është këshilltari kryesor për ekonominë i presidentit kinez, do të udhëtojë këtë javë në SHBA, për të zhvilluar bisedime mbi tregtinë me sekretarin e Thesarit, Steven Mnuchin.

Ndërkohë, rregullatorët kinezë, kanë nisur rishikimin e kërkesës së Qualcomm për të blerë prodhuesin e procesorëve NXP.

Këto lajmërime vijnë pasi Trump publikoi në Twitter se aid he Xi Jinping po bashkëpunojnë për t’i dhënë ZTE “një mundësi për t’iu rikthyer biznesit sa më shpejtë”.

Administrata e Trump kishte ndërprerë kontaktin e gjigantit kinez me furnitorët amerikanë, prej thyerjes së sanksioneve të lidhura me tregtinë me Iranin dhe Korenë e Veriut.

Lajmërimi i Trump tregon një ndryshim të prerë të qëndrimit të tij, i cili ka kërkuar çdo mjet të mundshëm në negociata për të ulur deficitin tregtar me Kinën.

Zyrtarët e Ministrisë së Jashtme në Kinë thonë se e mirëpresin  veprimin e Trump për ZTE dhe se do të bashkëpunojnë mbi detajet me Shtetet e Bashkuara.

Miratimi i Qualcomm nga pala kineze, nëse përfundon me sukses, do të shënojë një tjetër hap mbrapa për luftën tregtare mes 2 ekonomive më të mëdha në botë.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.