Zbutet situata në Lindjen e Mesme -Trump nuk do të përdorë më ushtrinë, por sanksione të reja!
Presidenti i Shteteve të Bashkuara, Donald Trump, nuk do të ndërmarrë veprime të reja ushtarake kundër Iranit, pasi sulmi me predha në bazat irakene nuk shkaktoi vdekje. Megjithatë, ai shtoi se do të ashpërsojë sanksionet ekzistuese ndaj SHBA.
Trump dhe autoritetet iranaine po synojnë zbutjen e krizës që nisi me vrasjen e komandantit Soleimani. Veprimet e njëpasnjëshme ushtarake shtuan shqetësimet botërore se Lindja e Mesme po i drejtohej një tjetër lufte.
Të dyja palët u tërhoqën, ndërkohë që liderët arab dhe ndërkombëtarë bënë thirrje për qetësi. “Fakti që kemi ushtri dhe pajisje madhështore, nuk do të thotë se duhet ta përdorim”, tha Trump pasi deklaroi se sulmi iranian nuk kishte shkaktuar dëme.
Presidenti tha se Irani po tërhiqet, ç’ka është gjë pozitive për të gjithë, por shtoi se SHBA do të vendosin sanksione të tjera ndaj vendit.
Trump, që do kandidojë për një mandat të ri në 2020 dhe që është akuzuar nga paraardhësit se ka shtyrë Amerikën në luftra të panevojshme ushtarake, nuk tha se çfarë do të përfshijnë sanksionet e reja.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.