Zejnulla Veseli në ‘Argument’- Blerim Reka, në këto zgjedhje presidenciale duhet të ishte mbështetur tek një parti politike maqedonase.
Zejnulla Veseli ishte prezent këtë të hënë në ‘Argument’ nëpërmjet një lidhje telefonike me gazetarin Enio Civici, ku bëri një përshkrim rreth zgjedhjeve presidenciale që po zhvillohen në Maqedoni. Ai u shpreh se deri më tani zgjedhjet janë organizuar pa asnjë incident. Përsa i përket kandidatit shqiptar Blerim Reka, në këto zgjedhje, ai u shpreh se është mjaft e vështirë të arrijë shumë vota, pasi për të arritur një post të tillë, duhet të ketë mbështetje nga një parti politike maqedonase.
‘’Kemi vetëm 80 mijë vota nga elektorati shqiptar. Kjo pasi një numër i madh i votuesve shqiptarë janë larguar nga Maqedonia për arsye politike por dhe ekonomike’’
Veseli është shprehur së këto zgjedhje presidenciale, kanë synim integrimin e vendit në Bashkimin Europian si dhe anëtarësimin në Nato, duke mos anashkaluar gjithashtu dhe kthimin e së drejtës së shtetit Maqedonas.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.