Zelanda e Re zgjeron karantinën/ Ardern: 7 ditë të mbylljes do të ndihmojnë në vlerësimin e situatës së vendin

Kryeministrja e Zelandës së Re, Jacinda Ardern ka zgjatur karantinën kombëtare ndërkohë që numri i rasteve me Covid-19 në vend është rritur dhe vatra është zgjeruar përtej qytetit më të madh Auckland, drejt kryeqytetit Wellington. Banorët e Zelandës së re kanë jetuar pa virus dhe pa masa të karantinës deri kur kryeministrja urdhëroi këtë javë një karantinë të menjëhershme 3 ditore kombëtare dhe një mbyllje 7-ditore të Aucland, pasi u zbulua rasti i parë në vend që prej muajit Shkurt.

Ardern zgjeroi karantinën deri në mesnatën e 24 Gushtit, duke thënë se infeksionet janë përhapur edhe në qytete të tjera. Autoritetet e Shëndetësisë theksuan se 11 raste të reja janë regjsitruar në 24 orët e fundit, ku 3 prej të cilëve ishin në Wellington.

“Kemi raste në Wellington, raste që i njohim që kanë pasur kontakt, por që janë raste gjithsesi. Ne mendojmë se do të jemi në pozitë më të mirë për të vlerësuar të gjithë Zelandën e re me këto 7 ditë të karantinës, pavarësisht se Auckland (ouklend) duket se do ketë sfidën për të qenë vatra kryesore” u shpreh Jacinda Ardern.

Shefi i Shëndetësisë në Zelandën e Re, Ashley Bloomfield, paralajmëroi se karantina në Auckland, epiqendrën e virusit, mund të zgjatet më tej. Ardern është lavdëruar për përmbajtjten e infeksioneve lokale të Covid-19 përmes një strategjie të eliminimit, duke vendosur karantina të ashpra dhe mbyllur kufijtë ndërkombëtarë të vendit në Mars 2020.

Klevis Llaha/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.