Zgjedhja e Harris fuqizon Biden – Fushata e tij shton 48 milionë dollarë në 48 orë, pas caktimit të bashkëgarueses
Fushata e garuesit demokrat për president, Joe Biden, ka shtuar 48 milionë dollarë në 48 orë, që kur emëroi senatoren Kamala Harris si zv/Presidente. Biden, që ka qenë zv/president në administratën e Obama, zgjodhi Harris këtë Javë, duke e bërë gruan e parë me ngjyrë në një parti kryesore që garon për zgjedhjet presidenciale. Ndërkohë që trazirat sociale dhe rracore kanë tronditur vendin që prej vdekjes së George Floyd, Biden ka qenë nën presion për të zgjedhur një grua me ngjyrë si bashkëgaruese.
Harris, senatorja 55-vjeçare nga Kalifornia, është gjithashtu gruaja e parë aziatike në një garë presidenciale. Prindërit e saj janë emigrant, e ëma nga India dhe i ati nga Xhamaika. Ajo u bë senatorja e dytë me ngjyrë femër në histori kur u zgjodh në vitin 2016 dhe do të ketë mobilizojë afro-amerikanët, që janë votuesit më besnikë të partisë Demokratike. Harris, ish prokurore dhe avokate e përgjithshme shtetërore në Kaliforni, njihet për stilin e saj agresiv në Senat. Si kandidate presidenciale, ajo i kërkoi Biden të drejtojë një debat kombëtar publik mbi dërgimin e detyrueshëm të studentëve në shkolla me autobus, si mjet për të reduktuar dallimin racor.
Zgjedhja e bashkëgarueses i ka shtuar rëndësi Biden, 77-vjeçarit që do të jetë personi më i vjetër që bëhet president, nëse zgjidhet. Mosha e tij ka ngritur spekulime se ai do të shërbejë vetëm 1 mandat, duke e bërë Harris një kandidate kryesore për zgjedhjet në vitin 2024. Biden dhe grupet e lidhura me fushatën e tij, kanë shtuar 140 milionë dollarë në Korrik.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.