Zgjedhjet e 18 Qershorit, Parlamenti pritet të votojë këtë javë projektvendimin për mbylljen e Legjislaturës së VIII. Çfarë parashikon Kodi Zgjedhor?  

Parlamenti pritet të votojë këtë javë projektvendimin për mbylljen e Legjislaturës së VIII të Kuvendit të Shqipërisë, para mbajtjes së zgjedhjeve të 18 Qershorit.

Ky projektvendim është renditur në pikat e rendit të ditës, që pritet të votohen në seancën plenare të datës 4 Maj 2017, ku do të përcaktohet afati i mbylljes së Legjislaturës së VIII.

Sipas rendit të ditës së seancës plenare, për projektvendimin kërkohet votim me shumicë të thjeshtë. Por çfarë parashikon Kodi Zgjedhor për mbylljen e Legjislaturës së Kuvendit.

Në Kodin Zgjedhor thuhet: “Me vendim të Kuvendit, mbyllja e legjislaturës ose shpërndarja e tij bëhen jo më shpejt se 45 ditë para datës së caktuar për zgjedhjet dhe jo më vonë se 30 ditë para kësaj date”.

Rendi i ditës së seancës së 4 Majit 2017 

Çfarë parashikon Kodi Zgjedhor për mbylljen e Legjislaturës së VIII të Kuvendit

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.