Zgjedhjet e 18 qershorit – Zbarkojnë në Tiranë vëzhguesit e OSBE/ODIHR

Për të garantuar një proces zgjedhur të ndershëm edhe pse pa pjesëmarrjen e opozitës vëzhgues të OSBE/ODIHR do të monitorojnë të gjithë procesin.

Rreth 26 vëzhgues afat gjatë si dhe  300 vëzhgues afatshkurtër të cilët do të jenë në vend ditën e zgjedhjeve në 18 qershor, do të monitorojnë dhe në fund do të raportojnë për procesin zgjedhor.

Për herë të parë i ardhur në Tiranë Ambasadori Peter Tejler është shprehur se roli i vëzhguesve është i shkëputur nga ai i dhënies së opinioneve sa i përket situatës politike në vend.

Sipas Tejler ky mision ndodhet në Shqipëri vetëm për të vëzhguar procesin dhe jo për të vendosur për  ligjimitetin e zgjedhjeve nëse zhvillohen në 18 qershor apo në një datë tjetër.

Sa i përket votimit dhe numërimit elektronik të kërkuar nga opozita, përsëri  Tejler është përgjigjur me diplomaci duke mos u përfshirë në çështjet e brendshme të vendit, ndërkohë që misioni i tyre është vetëm të vëzhgojnë.

Përveç monitorimit të regjistrimit të kandidatëve dhe zgjedhësve, aktiviteteve të fushatës, zbatimin e kuadrit ligjor, misioni do të monitorojë gjithashtu edhe mbulimin mediatik të fushatës.

Një ditë pas zgjedhjeve do të lëshohet nga vëzhguesit një deklaratë me përfundimet paraprake, ndërkohë që raporti përfundimtar do të publikohet përafërsisht dy muaj pas përfundimit të zgjedhjeve.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.