Zgjedhjet europiane/ Kapërcimi historik i Salvinit e rënia dramatike e Di Maios. Skenarët, çfarë mund të prodhojnë këto rezultate për Italinë
Vota europiane dëshmon pamjen e një përmbysje të madhe. Lega Nord e Matteo Salvinit fluturon dhe bën një kapërcim historik duke u bërë partia e parë italiane që kalon 34 % duke u kthyer në partinë e parë në Parlamentin Europian. Ajo ka tejkaluar ndjeshëm aleatët qeveritarë ‘Movimento 5 Stelle’ të Luigi Di Maios që ka rënë fort në nivelin e 17% kundrejt rezultateve të 14 muajve më parë.
Por në përgjithësi, Italia po shkon vendosmërisht djathtas me “Fratelli D’Italia” të Giorgia Melonit që rritet akoma me 6 % dhe me të zakonshmen “Forza Italia” që rrotullohet te 8-9 përqind.
Shtypi italian parashikon se rezultati i dobët i aleatit kryesor qeverisës italian, mund të vendosë në pikëpyetje kryesimin e Luigi Di Maios në “Movimento 5 Stelle” ashtu sikurse edhe mund të ngjallë dëshirën që Matteo Salvini të kërkojë një mandat të pastër qeverisës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.