“Zgjedhjet, jetike për integrimin në BE” – Kreun i PD Basha, bisedë online me kreun e grupit të PPE, Weber
Kryetari i PD Lulzim Basha zhvilloi një bisedë online me z.Manfred Weber, kryetar i grupit më të madh parlamentar në Parlamentin Europian atë të Partisë Popullore Europiane. Në qendër të bisedës ishte fushata zgjedhore në Shqipëri për të cilën krye demokrati tha se nevojitet ndryshimi dhe se në 8 vite nuk ka pasur progres, sipas Bashës programi i PD është fokusuar në zgjidhje konkrete duke shtuar se garancia për të përmirësuar jetën e shqiptarëve është integrimi në BE .
Weber theksoi rëndësinë e reformave të përcaktuara nga BE për të ardhmen e Shqipërisë ndërsa u ndal dhe te zgjedhjet e 25 prillit duke vlerësuar standardet si një kusht që Shqipëria të ecë përpara në rrugën e integrimit europian.
Basha kërkoi që kjo mbështetje të intensifikohet në mënyrë që Shqipëria të mos mbetet mbrapa por të realizojë sa më shpejt ëndrrën dhe potencialin e saj.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.