Zgjedhjet në Gjermani: Vijojnë votimet, Merkel synon mandatin e saj të katërt
Votimi është hapur për zgjedhjet federale të Gjermanisë, në të cilat pritet që kancelarja Angela Merkel të fitojë edhe mandatin e katërt.
Këto zgjedhje konsiderohen të rëndësishme, pasi për herë të parë që prej Luftës së Dytë Botërore një parti e krahut të djathtë ekstrem do të ketë përfaqësim Parlamentar.
Partneri i saj i koalicionit, SPD social-demokratik, është rivali i saj kryesor, ndërsa Alternativa për Gjermaninë (AFD), partia e krahut të djathtë ekstrem ka të ngjarë të fitojë vendet e para parlamentare.
Nga ana tjetër, Partia Socialdemokrate, e udhëhequr nga Martin Schulz, pritet të fitoj ndërmjet 21 dhe 22% të votave, që vlerësohet si një rënie historike e mbështetjes për këtë parti.
Por sondazhet e para dalëse priten menjëherë pas mbylljes së votimit dhe rezultati mund të nënkuptojë një ndryshim në përbërjen e koalicionit aktual qeverisës.
Votimit u hap në orën 08:00 dhe pritet të mbyllet në orën 18:00.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.