Zgjedhjet në Universitete. Mijëra studentë dhe pedagogë vendosin për drejtuesit e rinj
12 universitete publike në vend kanë çelur me 30 korrik procesin e votimeve për autoritetet dhe organet drejtuese. 4 mijë pedagogë dhe 70 mijë studentë kanë të drejtën e votës për krerët e rinj të shkollave të larta ku 718 pedagogë dhe 25 mijë studentë, vetëm në Universitetin e Tiranës.
Studentët nuk kanë ngurruar të zgjedhin në këtë proces, ata shprehen optimist dhe të bindur për zgjedhjen e tyre. Nga vëzhgimet e bëra në disa fakultete, u vu re respektimi i masave kundër Covid-19.
Votimet zhvillohen kryesisht për për rektor, dekan, shef departamenti dhe për anëtarë Senati si përfaqësues i personelit akademik. Përfaqësuesit e komisionit Institutional Zgjedhor shprehen për televizionin SCAN për një pjesëmarrje të kënaqshme ku vetëm në orët e para të ditës 50% e studentëve dhe pedagogëve kishin votuar.
Nertila Doko/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.