Zgjedhjet presidenciale në Kroaci/ Ish-kryeministri Milanoviç, përballë Kitaroviç në raundin e dytë!
Kandidati i social demokratëve dhe ish-kryeministri Zoran Milanovic, rezultoi i pari në raundin e parë të zgjedhjeve presidenciale në Kroaci, sipas Komisionit Shtetëror Elektoral, pasi ishin numëruar 99% të votave. Milanovic mori 29.5% të votave, përpara presidentes së qendrës së djathtë, Kolinda Grabar Kitarovic, kandidate e unionit demokrat, me 26.7%.
Kandidati i pavarur, Miroslav Skoro, një këngëtar i famshëm me pikëpamje nacionaliste, doli në vend të tretë me 24.4% të votave. Milanovic dhe Grabar-Kitarovic do të garojnë në raundin e dytë më 5 Janar 2020. Roli i presidentit është më shumë ceremonial, pasi kreu i shtetit nuk mund të vërë veton ndaj ligjeve, por ka kontroll në politikat e jashtme dhe mbrojtje. Presidenti ka një mandat 5-vjeçar dhe i riu nis në Shkurt 2020. Pavarësisht se doli në vend të dytë gjatë raundit të parë të zgjedhjeve, Kitarovic shihet si favorite për raundin e dytë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.