Zgjerohet skema për invalidët/ “Do përfitojnë edhe ata që s’kanë sigurime, hiqet tavani 48 muaj për të punësuarit”
Në Programin e pagesave për personat me aftësi të kufizuara do të përfshihen edhe individët që deri më tani përjashtoheshin nga skema për shkak të mungesës së sigurimeve gjatë pesë viteve të fundit.
Deklarata u bë nga Ministrja e Shëndetësisë dhe Mbrojtjes Sociale Ogerta Manastirliu, gjatë interpelancës me përfaqësues të shoqatave të personave me aftësi të kufizuar, pas miratimit të ligjit të ri të asistencës sociale.
Gjithashtu, sipas ministres, ligji i ri për asistencën sociale parashikon heqjen e tavanit të periudhës 48 mujore të përfitimit të pagesës së aftësisë së kufizuar për ata persona me aftësi të kufizuar të cilët janë në punë, duke e dhënë këtë pagesë për gjithë jetën.
Nga ana tjetër, reforma i hap rrugën dhe kostifikimit të shërbimeve sociale sipas nevojave të personave me aftësi të kufizuar.
Ndërkohë që, Manastirliu garantoi se të drejtat e fituara deri më tani nuk do të preken.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.