Zgjerohet tregu i pensioneve private. Rritje me 11% në 6 muajt e parë të vitit, 2250 anëtarë më shumë

Të dhënat më të fundit të autoritetit të mbikqyrjes financiare për ecurinë e 6-mujorit të parë të këtij viti të tregut të pensioneve vullnetare, tregojnë se, asetetet neto pësuan një rritje prej 334 milionë lekësh, ose 11.52% krahasuar me 31 dhjetorin e vitit të kaluar. Në total tregu i pensioneve vullnetare arrin në 3,2 miliardë lekë. Edhe numri i anëtarëve në fondet e pensioneve pësoi një rritje të ndjeshme, prej 7.87%, për të prekur shifrën e 30,498 individësh, 2250 më shumë se 6 muaj më parë.

Sa i përket ndarjes së tregut, mes 4 fomdeve të licensuara, sa i përket numrit të anëtarëve, Credins Pensions është në vend të parë me diferencë të ndjeshme me ndjekësit, duke zënë 57% të tregut, me 17480 anëtarë nga 30,498 që kanë gjithsej të katër fondet e licensuara ën vendin tonë. Më pas ndjekin Sigal, Raiffeisen dhe Albsig. Sa i përket numrit të aseteve ndërkohë, në vend të parë qëndron Sigal, e ndjekur nga Credins Pensions, Raiffeisen dhe Albsig, por me të parën e listës të licensuar në treg më parë se ndjekëset.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.