“Zhbllokohet” Kuvendi i Kosovës, Kadri Veseli sërish kryetar i Parlamentit: Të shtunën votohet qeveria

Kryetari i PDK-së Kadri Veseli, është zgjedhur sërish kryetar i Kuvendit të Kosovës. Zgjedhja e tij u bë pas shtatë përpjekjesh në 3 muaj pas zgjedhjeve të 11 qershorit.

Gjatë votimit në sallë ishin 114 deputetë, ku votuan pro Veselit 62 prej tyre, ndësa 52 të tjerë u shprehën kundër.

Po kështu në seancën e sotme janë zgjedhur edhe 3 nënkryetarët e Kuvendit. Konkretisht, Kujtim Shala nga LDK, Aida Dërguti nga VV, Xhavit Haliti nga PDK, janë tre nënkryetarët e zgjedhur sot në Parlament.

Zgjedhja e tyre u bë pas konfirmimit të Kadri Veselit në krye të Parlamentit të Kosovës.

Ndërkohë, në fjalën e parë si kryetar i rizgjedhur i Kuvendit, Veseli bëri thirrje për bashkëpunim mes forcave politike, dhe paralajmëroi se të shtunën do të votohet qeveria.

Osman Dedja/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.