“Zhvillim i biznesit, luftë kundër korrupsionit” – Basha prezanton programin e PD, pezullohen gjobat për një vit
Kreu i Partisë Demokratuike, Lulzim Basha ka prezantuar programin politik të PD-së për biznesin dhe luftën kundër korrupsionit. Sipas Kryedemokratit përmes këtij programi synohet përfshirja e Shqipërisë mes 30 vendeve më të mira për të bërë biznes. Disa prej anagzhimeve të kreut të PD, lidhur me zhvillimin e biznesit është vendosja e një moratoriumi 1-vjeçar gjatë së cilës do ndalohen gjobat nga organet lokale e qendrore si edhe kufizimi i inspektimeve.
Kryedemokrati foli per ulje të numrit aktual të licencave dhe lejeve të biznesit që jepen sot nga shteti si dhe përgjysmimin e afateve ligjore
Basha u angazhua për krijimin e një sistemi anti-korrupsioni dhe ngritjen e Agjencisë Kundër Korrupsionit.
Kreu i demokratëve foli për ndryshim dhe zhvillim të vendit përmes një qeverisje të bazuar në transparencë dhe mirëmenaxhim, në çdo vendim.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.