Zhvillimi ekonomik i vendit, Basha nga Saranda: Do të subvencionojmë fermerët me 1% të PPB
Partia Demokratike ka hapur fushatën edhe në Sarandë. Kreu i demokratëve nga qyteti bregdetarë ka deklaruar se nuk do të ketë pazar me asnjë nga përfaqësuesit e republikës së vjetër në kurriz të qytetarëve shqiptar.
Basha është ndalur edhe një herë në programin ekonomik që kjo forcë politike do të ofrojë për të gjithë shqiptarët.
“Ekonomia copë-copë, si i keni punët? Keq! Pse? S’ka lekë. S’ka punë, taksa të larta, fatura të larta, mungesë shprese, leku nuk xhiron, korrupsion qendror dhe lokal. Një shtet demokratik me ekonomi të fortë ë bën qytetari i fortë, sipërmarrësi i fortë, sindikatat e forta, fermerët e fortë, jo kryeministri i fortë. Ky nuk është shtet i fortë, ky është shtet i falimentuar”.
Basha ka premtuar që do të subvencionohen fermerët me rreth 1% të PBB, ky subvencion do të jetë për fermerët që punojnë tokën edhe pa hapur nipt.
“Zero subvencione, zero mbështetje për bujqësinë, por konkurrohen nga produktet e jashtme, sepse një grusht njerëzisht të lidhur me qeverinë, një grusht tregtarësh të lidhur me qeverinë janë gati të shkatërrojnë prodhimin e Xarrës, janë gati të shkatërrojnë djersën e fermerëve shqiptarë për përfitimet e tyre”.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.