Zhvillimi i Voskopojës, Peleshi: Investimi 4 mln euro, impakt dhe në zonat rurale

Fshati turistik i Voskopojës ku ndërthuret plot harmoni natyra me kulturën, çdo ditë e më tepër po transformohet falë investimeve të qeverisë shqiptare të cilat janë fokusuar tek rigjallërimi i vlerave historike, kulturore e turistike.

Gjatë një inspektimi për të parë nga afër ecurinë e investimit prej 4 milion euro, Zv\kryeministri Niko Peleshi ka zhvilluar një takim me banorët e këtij fshati, ku ka theksuar se ndërhyrja në Voskopojë do të jetë e plotë me synimin për ta kthyer këtë destinacion në një model të zhvillimit të zonave rurale dhe atyre turistike në veçanti.

Ndër të tjera Peleshi tha se plani vendor i miratuar i Bashkisë Korçë ka një impakt edhe ne zonat rurale pasi i jep mundësi biznesit të investojë duke krijuar mundësi të reja zhvillimi dhe më shumë të ardhura për banorët.

Investimi ne Voskopojë parashikon rikonstruksionin e qendrës, rrjetit të rrugëve si dhe restaurimin e 4 Kishave Monument Kulture të këtij fshati.

Entela Barjamaj/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.