“Zhytet” tregtia kineze – Rënia drastike gjatë periudhës janar-shkurt
Eksportet e Kinës u kontraktuan ashpër në dy muajt e parë të vitit, dhe importet u ngadalësuan, pasi kriza shëndetësore e shkaktuar nga shpërthimi i koronavirusit shkaktoi ndërprerje masive në operacionet e biznesit, zinxhirët global të furnizimit dhe aktivitetin ekonomik.
Raporti i zymtë i tregtisë ka të ngjarë të përforcojë frikën se rritja ekonomike e Kinës u përgjysmua në tremujorin e parë në performancën më të dobët që nga viti 1990 pasi masat e kontrollit të epidemisë dhe të rrepta qeveritare paralizuan prodhimin e fabrikave dhe çuan në një rënie të fortë të kërkesës.
Dërgesat jashtë shtetit ranë 17.2% në janar-shkurt krahasuar me të njëjtën periudhë të një viti më parë, duke shënuar rënien më të madhe që nga shkurti 2019.
Importet u zhytën 4% nga një vit më parë, por rezultojnë mbi pritshmëritë e tregut, që flisnin për një rënie prej 15%.
Në dhjetor rriteshin me 15%. Kina regjistroi kështu një defiçit tregtar prej 7.09 miliardë dollarë për periudhën në fjalë , duke zmbrapsur një suficitet të pritur në 24,6 miliardë dollarë në sondazh.
Aktiviteti i fabrikave u kontraktua me ritmin më të shpejtë ndonjëherë në shkurt, madje edhe më keq sesa gjatë krizës financiare globale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.