Zjarri i Notre-Dame: Macron premton të rindërtojë katedralen

Presidenti francez Emmanuel Macron premton se do ta rindërtojë përsëri katedralen e famshme që u përfshi nga flakët, Notre – Dame. Zjarrfikësit arritën të shpëtonin strukturën kryesore të gurit mesjetar 850 –vjeçar, duke përfshirë nga flakët dy kullat e tij dhe çatia e cila u shemb totalisht.

Në kohën kur zjarri u shua tërësisht ditën e djeshme në mëngjes, qindra miliona njerëz, por në veçanti edhe vetë Emmanuel Macron premtoi se do ta rindërtojë përsëri katedralen e famshme. Shkaku i tij nuk është ende i qartë, por zyrtarët thanë se mund të lidhet me punimet e renovimit.

Prokuroria e Parisit tha se aktualisht është duke e hetuar atë si një aksident. Gjatë vizitës në vendin e ngjarjes, Macron tha se “më e keqja është shmangur”, pasi është ruajtur struktura kryesore e katedrales. Ai u zotua se do të nisë një skemë ndërkombëtare për mbledhjen e fondeve për rindërtimin.

“Do ta rindërtojmë këtë katedrale të gjithë së bashku”, tha Macron. “Kjo është ajo që francezët presin, sepse kjo është ajo që meriton historia jonë”, shtoi ai. Miliarderi François-Henri Pinault, shef ekzekutiv i grupit Kering, i cili zotëron markat e modës Gucci dhe Yves Saint Laurent, premtoi tashmë 100 milionë euro për rindërtimin e katedrales Notre-Dame.

Zjarri nisi rreth orës 18:30 (16:30 GMT) dhe shumë shpejt katedralja u përfshi nga flakët, duke shkatërruar ambientin e brendshëm prej druri. I gjithë qyteti ishte në panik pasi u tha që kullat e famshme të katedrales do të shkatërroheshin nga flakët.

Ekipet e emergjencës arritën të shpëtonin vepra të vlefshme arti dhe gjëra fetare, që ruheshin brenda katedrales së ndërtuar në shekujt e 12-të dhe 13-të. Macron tha se vlerëson lart “guximin e jashtëzakonshëm” të 500 zjarrfikësve të përfshirë në operacion. Hera e fundit që katedralja pësoi dëme të mëdha ishte gjatë Revolucionit Francez. Aq më tepër që Katedralen e vizitojnë mbi 13 milionë turistë çdo vit.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.