Zjarri në kabinën elektrike tek Kullat binjake – OSHEE sqaron mbi situatën aktuale

OSHEE njofton se si pasojë e një zjarri në kabinën private të kullave binjake,  subjekti privat ka njoftuar OSSH lidhur me këtë problematikë dhe se shkak për këtë incident është “zhvillimi i një harku të madh elektrik, pasi mungonte izolacioni i pajisjeve të këtij subjekti, që ka detyrim ligjor për të kryer mirëmbajten e kabinës që posedon si asset”.

Sipas informacionit në bazë të protokolleve të sigurisë për impiantet, u procedua për stakim të menjëhershëm të linjës L12, për të penguar thellimin e avarisë në kabinë, që të mos përbënte rrezik për jetën e personelit, të komunitetit dhe të vetë impianteve.

Kështu OSHEE bën me dije se si pasojë e stakimit të linjës L12, mbeti pa energji elektrike Kuvendi i Shqipërisë (10:57 – 11:03), i cili gjatë kësaj kohe nuk mundi të fuste në operim gjeneratorin, për shkak të një anomalie mekanike në ndezje por OSSH operoi me rrjetin e saj dhe riktheu në normalitet furnizimin me energji elektrike.

E .  S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.