Zona e kazinove në Tiranë, AMLF hap garën për licencë! Afati deri me 22 tetor
Autoriteti i Mbikëqyrjes së Lojërave të Fatit ka shpallur garën për pajisjen me licencë për zonën ku lejohet vendosja për zhvillimin e lojës së fatit, të kategorisë “Kazino”, në qytetin e Tiranës.
Referuar shpalljes së publikuar në Fletoren Zyrtare, të interesuarit duhet të paraqesin aplikimin e tyre (kërkesë më shkrim dhe dokumentacionin shoqërues) pranë zyrave të Autoritetit të Mbikëqyrjes së Lojërave të Fatit, deri më datë 22.10.2020, ora 16:30.
Dokumentacioni do të paraqitet në gjuhën shqipe. Aplikanti mund të depozitojë edhe dokumente në gjuhë të huaj, të shoqëruara me përkthimin e vërtetuar në gjuhën shqipe. Aktet zyrtare të juridiksioneve të huaja duhet të shoqërohen me përkthimin e vërtetuar në gjuhën shqipe dhe të legalizohen, sipas ligjeve në fuqi dhe marrëveshjeve ndërkombëtare të ratifikuara nga Republika e Shqipërisë.
Shqyrtimi i dokumenteve do të bëhet pranë zyrave të Autoritetit të Mbikëqyrjes së Lojërave të Fatit, datë 23.10.2020, ora 09:00.
SCAN
Lexo edhe:
Vendimet/ Miratohet zona e kazinove në Tiranë dhe kushtet për licencimin e tyre
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.