Zonat e prekura nga përmbytjet, Xhaçka: Mjekët ushtarakë kryen 900 vizita në komunitet
Zonat e prekura nga përmbytjet vijojnë të asistohen me kujdes shëndetësor nga ana e mjekëve të forcave të armatosura.
Gjatë një vizite në zonën e Porto Romanos, ku kërkesat nga komuniteti për asistencë janë të mëdha, Ministrja e Mbrojtjes Olta Xhaçka tha se gjatë 30 ditëve mjekët e ushtrisë kanë kryer më shumë se 900 vizita.
“Gjatë Dhjetorit kaluam një muaj të vështirë, por që u përballua me sukses nga Forcat e Armatosura. Kur flasim për emergjencat civile, asistenca mjekësore për familjet e prekura nga moti i keq është një element me shumë rëndësi. 13 mjekë dhe infermierë të Forcave të Armatosura, ofruan kujdes shëndetësor në zona të ndryshme të vendit gjatë ditëve të emergjencave. U kryen mbi 900 vizita mjekësore gjatë 30 ditëve nga mjekë të specialiteteve të ndryshme. Mjekët dhe infermierët në uniformë do të jenë gjithë kohën të shpërngulur nga një zonë në tjetrën, për të plotësuar nevoja në staf mjekësor edhe infermierë atje ku do të ketë nevojë”, tha Xhaçka.
Xhaçka siguroi se mjekët dhe infermierët në uniformë do të jenë gjithë kohën të shpërngulur nga një zonë në tjetrën, për të plotësuar nevoja në staf mjekësor edhe infermierë atje ku do të ketë nevojë.
L.R/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.