Zonat me përparësi zhvillimi – Propozohen 16 zona për investime në fushën e turizmit
Ministria e Turizmit dhe Mjedisit ka përcakton 16 zonat me përparësi zhvillimi turizmin. Të 16 zonat e propozuara për qëllim investime në fushën e turizmit, u prezantuan në një tryezë me investitorë, përfaqësues të agjencive shtetërore, përfaqësues të shoqatave turistike, kryetarët e bashkive, dhe tour-operatorëve.
Këto 16 zonat të propozuara, janë reflektim i ligjit që përcakton qartë se kush janë zonat me përparësi zhvillim turizmi: ato që kanë një përqendrim të lartë të produktit turistik.
Zonat janë zgjedhur mbi bazat: e vlerave natyrore, historike, kulturore dhe social – ekonomike.
Disa nga zonat me përparësi turizmin janë Brezi bregdetar, Parku Natyror i Alpeve, Belshi etj. Sipas të dhënave nga Ministria e Turizmit shtetit tashmë përfiton 26.8% si vlerë e shtuar indirekt në zhvillimin e vendit.
Ministri Blendi Klosi është shprehur se një lekë i investuar kërkon 3 lekë të shtuara në ekonominë e vendit tonë.
E kemi mundësinë tashmë të flasim për 300 mijë vende pune në sektorin e turizmit që ndikohen drejtpërsëdrejti ose në mënyrë indirekte nga sektori i turizmit.
Viti 2017 shënoi 5.1 milionë turistë të huaj të hyrë në vendin tone. Në katër mujorin e parë të këtij viti është shënuar një rritje prej 9.1% të numrit të turistëve krahasuar me një vit më parë duke shënuar rreth 30 milionë euro të ardhura më shumë në ekonominë shqiptare.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.