Zonja e Parë e Amerikës, faktor nxitës për turizmin në Slloveni

Turizmi në Slloveni po lulëzon dhe kjo është meritë pjesërisht e Melania Trump. Agjencitë turistike në vend kanë organizuar ture të veçanta si ai “në gjurmët e Melanias”, ku turistët vizitojnë vendet ku ajo ka lindur, jetuar, studiuar dhe punuar, para se ajo të ndiqte karrierën e modelingut.

Në vitin 2016, numri i netëve të kaluara nga ana e turisëve amerikanë u rrit me 10%, ndërsa statistikat e fundit të muajit Mars tregojnë se kurioziteti është në rritje, pasi shtetasit e SHBA u rritën me 30,6%.

Me dhjetëra portale udhëtimesh mirëpresin tashmë vizitorët nga Amerika me shprehjen: “Mirësevini në atdheun e Zonjës së Parë të Shteteve të Bashkuara të Amerikës”. Ndërsa vetë turistët duken të ngazëllyer për të shkrepur një selfie me posterat e Melanias të shpërndara në qytete si Sevnica, vendlindja e saj.

Kjo rritje në aktivitetin turistik ka krijuar gjithashtu edhe vende të reja pune, teksa papunësia në Mars ra në 10,2 për qind krahasuar me 12 për qind në Marsin e kaluar.

Falë Zonjës së Parë së SHBA, edhe ekonomia sllovene do të ketë një rritje shtesë prej 1,1%, në 3,6% në 2017, krahasuar me 2,5% në 2016.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.