Zotërimet e familjeve në BE – Aktivet financiare arrijnë në 227% të PBB, detyrimet në 67.8%

Totali i aktiveve financiare të mbajtura nga ekonomitë familjare në Bashkimin Europian, arriti në 33.85 trilionë euro në vitin 2016.

Sigurimet, pensionet dhe garancitë e standardizuara zinin 38.8% të totalit, ndjekur nga valuta dhe depozitat në 30.4%, ndërsa titujt e kapitalit dhe zotërimet në fondet e investimeve zinin 25.2%.

Ndërkohë,  detyrimet arritën në një total prej 10.11 trilionë euro në vitin 2016, me kreditë që përbënin më shumë se 90% të totalit, ku shumica prej tyre ishin kredi hipotekore.

Në vitet e fundit, totali i detyrimeve financiare të ekonomive familjare ka qëndruar relativisht i qëndrueshëm në rreth 70% të produktit të Brendshëm Bruto të BE. Megjithatë, ndikimi i krizës financiare është më i dukshëm në aktivet e mbajtura.

Këto kanë patur rënie nga 213% të PBB në vitin 2016, në 182% në 2018-ën, përpara se të pësonin rimëkëmbje në 205% gjatë vitit 2009. Gjatë 2016-ës, totali i aktiveve financiare të ekonomive familjare përfaqësonte 227.1% të PBB, ndërsa detyrimet, 67.8%.

Ndër vendet anëtare, Holanda ka nivelin më të lartë të aktiveve të mbajtura nga familjet në raport me PBB, në 332.5%, ndjekur nga Mbretëria e Bashkuar në 329.3%. Mbi detyrimet, vendin e parë e zë Qipro, me 141.5%, ndjekur nga Danimarka me 133.2%.

 Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.