Zyra e re e Bashkëqeverisjes me Qytetarët – Rama: Deri sot 275 aplikime, dorëzoni dokumentet deri më 27 Gusht. Kërkesat që duhet të përmbushni
“Edhe një javë kohë për aplikim! Janë 275 aplikime për t’u punësuar në Zyrën e Bashkëqeverisjes me Qytetaret”.
Lajmi është dhënë nga kryeministri Rama në rrjetin social “Facebook” ku ka falënderuar të interesuarit për aplikimet e dërguara.
“Falenderojmë të interesuarit për aplikimet e tyre sipas kërkesave të aplikimit, për të cilin rikujtojmë se kërkohet Letër Motivimi (pse dua të punoj në këtë zyre) + CV + 2 letra rekomandimi të kandidaturës (nga ish-dekanë ose pedagogë të fakultetit ku aplikanti ka kryer studimet; punëdhënës të mëparshëm; figura te respektuara te komunitetit ku aplikanti ka banuar apo banon aktualisht). Përndryshe aplikimi konsiderohet i pavlefshëm. Aplikimet janë të hapura deri ne 27 gusht. Të gjithë ata që lexojnë për here të parë për këtë zyre të posaçme, e cila do të ngrihet menjëherë me krijimin e qeverise se re, mund te marrin një informacion te plote në postimin nr.1 me të njëjtin titull”, shkruan kryeministri Rama në Facebook.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.