Zyrtarisht Ervin Koçi në krye të AMF-së, Kuvendi voton emërimin e tij me 71 vota pro

Kuvendi ka votuar me 71 vota pro, 2 kundër dhe 3 abstenim që Ervin Koçi të mbajë postin e anëtarit të bordit, si dhe drejtorit ekzekutiv të AMF-së.

Në mbledhjen e djeshme Këshilli i Ministrave vendosi propozimin e Ervin Koçit, për anëtar të Bordit të Autoritetit të Mbikëqyrjes Financiare, i cili njëkohësisht do të mbajë edhe funksionin e drejtorit të Përgjithshëm të Autoritetit, për periudhën e mbetur të mandatit, të anëtarit të liruar nga kjo detyrë.

Ndërkohë, në seancën e datës 16 mars, Kuvendi miratoi me 55 vota pro dhe 20 kundër, vendimin për shkarkimin e kreut të Autoritetit të Mbikëqyrjes Financiare, Enkeleda Shehi.

Në mbledhjen e datës 21 shkurt të këtij viti, Bordi i Autoritetit të Mbikëqyrjes Financiare vendosi t’i propozojë Kuvendit lirimin e Enkeleda Shehi.

Osman Dedja/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.