1.1 kg dhe 5.655 karat: Zbulohet smeraldi “luan”

Prodhuesi më i madh në botë i gurëve të gjelbër ka zbuluar një kristal smeraldi 5,655 karatësh në minierat e tij në Zambi. Guri, i cili peshon më shumë se 1.1 kg, u gjet në minierat e Gemfield në Kangem, tha kompania në një deklaratë. Smeraldi quhet “Inkalamu”, që do të thotë “luan” në gjuhën lokale të Zambisë. Guri do të pritet në pjesë të vogla dhe do të hidhet në ankand në Singapor në nëntor.

Ajo ka “qartësi të jashtëzakonshme dhe një ngjyrë të gjelbër të artë të përkryer e të balancuar”- tha deklarata. Guri u gjet në një minierë të hapur nga Debapriya Rakshit, një gjeolog dhe Richard Kapeta një minator i smeraldeve. Smeraldet janë të rralla dhe më të vlefshme se diamantet, duke rritur kërkesën e tyre në treg. Shumica e smeraldeve të botës ndodhet në Zambi, Kolumbi dhe Brazil dhe interesi për to është në rritje sidomos nga tregtarët e Europës.

“Ne po përjetojmë rritje të jashtëzakonshme të kërkesës për smeralde të kualitetit të lartë zambiane nga markat kryesore, veçanërisht në Europë, për të gjithë që admirojnë ngjyrën e pasur dhe transparencën unike të gurëve tanë – cilësi që i bëjnë ato unike midis smeraldeve të tjerë” – tha një gjeologe sipas CNN.

Nuk është hera e parë që janë gjetur smeralde të mëdhenj në këto miniera. Në vitin 2010, minatorët në operacionin me bazë në Zambi gjetën një smerald 6,225 karatësh që e quanin “elefant” për shkak të madhësisë së saj masive.

e.t/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.