1 miliardë euro investime gjermane – Projektet mbi ujin e pijshëm, projekt rajonal për menaxhimin e lumenjve

Nga furnizimi me ujë të pijshëm, te rrjetet infrastrukturore, te menaxhimi i prurjeve të lumenjve, mbrojtja e biodiveristetit të liqeneve, e deri te projektet për punësimin e të rinjve apo përshtatjen e të kthyerve nga emigracioni. Janë rreth 1 miliardë euro investime të kryera nga Shteti Gjerman në Shqipëri gjatë tre dekadave të fundit në formën e granteve apo kredive të buta. 6 prej këtyre projekteve janë vizituar në një udhëtim të organizuar nga Ambasada Gjermane në Tiranë me gazetarët e mediave kryesore në vend.

Përmirësimi i menaxhimit ndërkufitar të Liqeneve Prespa, Ohër dhe Shkodër  është një prej projekteve kryesorë të bashkëpunimit gjerman. Qëllimi i tij është përshtatja ndaj ndryshimeve klimatike nëpërmjet Menaxhimit Ndërkufitar të Rrezikut nga Përmbytjet në Ballkanin Perëndimor. Projekti përqendrohet në basenin e Lumit Drin dhe mbështet institucionet në nivel kombëtar dhe lokal në Shqipëri, Kosovë, Mali të Zi dhe Maqedoninë e Veriut. Qëllimi i tij është krijimi i Hartave të Rrezikut nga Përmbytja,  Paralajmërim i hershëm: dhe  Përmirësimi i parashikimit të përmbytjeve dhe komunikimi i paralajmërimeve për popullatën në zonat e rrezikuara nga përmbytja.

Zhvillimi Institucional bashkë me Forcimi i kapaciteteve strategjike për të adresuar dhe koordinuar më mirë menaxhimin e rrezikut nga përmbytja.

Ndërkohë që projektet e furnizimit me ujë të pijshëm janë ato që kanë edhe impaktin më të madh në jetën e njerëzve. Sic është projekti me fond 39 milionë euro me Bankën KfW, në afërsisht 83 fshatra dhe 85.000 banorë në të gjithë vendin me sigurimin e furnizimit me ujë të besueshëm dhe higjenikisht të sigurt duke përfshirë masat plotësuese për derdhjen e ujërave të zeza dhe futjen e tarifave të pranueshme shoqërore që mbulojnë të paktën kostot e funksionimit dhe mirëmbajtjes.

Suksesi më i dukshëm i projekteve të furnizimit me ujë të pijshëm vërehet në ujësjellësin e Lezhës.  Falë një financimi prej 13.2 milionë eurosh në 128 km tuba të rrjetit ujor; Rehabilitimi dhe ndërtimi i 10 km tuba të rrjetit të instaluar në Ishull Lezhe; Ndërtimi i 3 rezervuarëve të rinj të ujit; Ndërtimi i sistemeve të reja ujore në zonat periferike të qytetit; ku përfshihen 5585 lidhje të reja nëpër shtëpi dhe 3640 ujëmatës të instaluar; është bërë tashmë e mundur që banorët e këtij qyteti të furnizohen 24 orë në ditë me ujë higjenikisht të sigurt.

Ndërkohë që një projekt prej 23.9 milionë eurosh i dedikohet tërësisht politikave të formimit e punësimit të të rinjve. Falë tij, që nga viti 2017, më shumë se 2.900 punëkërkues janë trajnuar në kurse afatshkurtra dhe më shumë se 500 studentë janë diplomuar në MFC Kamza. Mbi 5,000 të rinj janë pjesë e trajnimeve Start SMART për kërkimin e punës dhe aftësi të buta (soft skills). Rreth 1.400 të

rinj të margjinalizuar kanë marrë pjesë në projekte për të forcuar pjesëmarrjen sociale dhe kohezionin. Për sa i përket zhvillimit të sektorit privat në Shqipëri, janë trajnuar mbi 1,100 sipërmarrës të rinj, nga të cilët 250 hartuan një plan të plotë biznesi dhe rreth 80 prej tyre iu dha një grant fillestar. Për më tepër, afërsisht 1.000 SME kanë marrë Shërbime të Zhvillimit të Biznesit, dhe më e rëndësishmja më shumë se 900 të rinj me ndihmën e këtij projekti kanë gjetur punësim deri më tani.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.