10 miliardë lekë mallra më shumë nga Kina! Çfarë ka importuar këtë vit Shqipëria
Në 10 muajt e parë të këtij viti, Shqipëria ka importuar nga Kina mallra me vlerë 53 miliardë lekë, duke njohur rritje me 10 miliardë lekë më shumë se e njëjta periudhë e vitit të kaluar.
Referuar shifrave të Instat, këtë vit Shqipëria ka importuar më shumë makineri, pajisje dhe pjesë këmbimi, në vlerë 24.7 miliardë lekë (rreth 4 miliardë më shumë) dhe produkte kimike e plastike me vlerë 7.3 miliardë lekë (3 miliardë më shumë). Po ashtu, rritje ka njohur edhe importi nga grupmallrat tekstile e këpucë që këtë vit është në nivelin e 9.6 miliardë lekëve.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.