10 plazhet më të bukura në Kroaci për çifte dhe grupe miqsh

Plazhet janë dhe kanë qenë gjithmonë atraksioni më i madh për turistët në Kroaci. Me një vijë bregdetare me kilometra të tëra të shtrirë në detin Adriatik dhe disa dhjetëra ishuj për të vizituar, pushimet verore janë argëtim i sigurt. Këto janë 10 plazhet më të bukura në Kroaci, të rekomanduara për çiftet dhe grupet e miqve.

Zrce, Novalja, Ishulli Pag

Plazhi Zrce është një plazh me guralecë të bardhë, të cilët puthen me ujin e kristaltë të Adriatikut. Është i vetmi plazh në Kroaci me frymën e party-t si në Ibiza dhe është i mbushur me turistë dhe vendas që kërkojnë të argëtohen në mbrëmje.

Pakleni, Ishujt Hvar

Gjatë muajve Korrik dhe Gusht, Hvar mbushet plot me pushues, çka garanton mbrëmje të bukura, por edhe njohje të reja për beqarët.

Shën Jerolim, Ishujt Hvar

Plazhi i Shën Jerolimit është i izoluar dhe i paprekur. Është një plazh nudist dhe një vend shumë i mirë për t’u “fshehur” me dikë të veçantë. Pranë ka disa restorante.

Zlatni Rat, Ishulli Brac

Plazhi Zlatni Rat është i njohur për rërën që i jep emrin Kepi i Artë. Përveç formës së veçantë dhe peizazhit, plazhi ka edhe sporte uji, kafene dhe club-e për në darkë.

Kandalora, Ishulli Rab

Edhe Kandalora është një plazh nudist. Duket se në Kroaci plazhe të tilla nuk mungojnë aspak. Kandalora është i ndarë në tre guva me “private” ku plazhistët shijojnë rrezet e diellit. Për të shkuar në këto plazhe ka një tarifë të vogël për t’u paguar.

Resorti Valalta, Rovinj

Valalta është një destinacion ideal nëse preferoni romancën. Akomodimet përfshijnë apartamente dhe shtëpi të vogla.

Plazhi Brela, Vrulja

Fshati Brela është një ëndërr mesdhetare, me bregdet shumë të gjatë, pemë fiku dhe ulliri. Në Brela ndodhet një nga plazhet më të bukura në Kroaci. Fshati është shumë i preferuar nga çiftet dhe nëse po vrisni mendjen, po, inkurajohet nudizmi.

Baska, Ishulli Krk

Krk është ishulli më i madh në Kroaci dhe ofron gjirin piktoresk të Kvarner. Pikat që duhet të shihni në Baska është Vela Plaza, ose quajtur ndryshe Plazhi i Madh, ku ka bare, restorante dhe kafene për të thyer monotoninë e detit.

Girandella, Rabac, Ishulli Istria

Dikur Rabac ishte një fshat i qetë peshkatarësh, por tani është i mbushur me resorte turistike dhe jetë nate. Masat shkëmbore në plazh i bëjnë zhytjet shumë popullore. Dy festivale verore zhvillohet në këtë plazh, ndaj nëse ju pëlqen muzika nuk mund ta humbisni.

Plazhi Plat, Dubrovnik

Numri 1 është një nga plazhet më të fshehura me një jetë nate fantastike. Ky plazh i vofël është si një oaz me peizazh të mrekullueshëm. Plazhi ka shumë pak hije ndaj duhet të merrni çadër me vete për të garantuar pak privaci dhe mbrojtje nga dielli. Në mbrëmje Dubrovniku ofron një gamë të gjerë klubesh dhe restorantesh.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.