10 vendet e preferuara të 2017-ës, për të kaluar moshën e pensionit
Pensioni është një kohë për të jetuar mirë, për të rishpikur gjërat në jetë dhe për të pasur një aventurë të madhe, ndonjëherë në ndonjë vend të ri të botës. Më poshtë po ju listojmë 10 opsione për të jetuar përtej oqeanit për 2017-ën.
Carvoeiro, Algarve, Portugali
Portugalia është sekreti më i mirë për botën e Europës së vjetër. Për tre vjet rresht “jeto dhe plaku përtej oqeanit” e ka renditur gjirin Algarve si vendi më i mirë për të jetuar pensionin.
Pamjet e magjishme të shkëmbinjve Carvoerios, dielli i qëndrueshëm, koha perfekte gjatë gjithë vitit, ushqimi dhe vera, si dhe më kryesorja jetesa e lirë që mund të bësh, është “qershia mbi tortë”.
El Poblado, Medellin, Colombia
Jeta e qetë, komforte dhe e përballueshme gjendet në një nga qoshet e Medellin, në Kolumbi. Kursi i ulët i monedhës vendase, peso kolumbiane dhe Euros, e bën koston e jetesës mjaft të përballueshme. Në zemrën e Medellin, El Pablo është në majat e listës për të jetuar në një qytet vetëm me një buxhet të ulët.
Terrenas, Republika Domenikane
Terrenas është një përzierje mes Karaibeve dhe Francës. Komuniteti i lartë francez që jeton në rërën e bardhë , në restorante fantastike, mënyra e thjeshtë për t’u strehuar, si dhe kostot e lira të jetesës, e bëjnë Terrenas një fillim të ri të jetës më një ngjasim si në bregdetin e Karaibeve.
Santa Familia, Cayo, Beliz
Nëse dëshironi të jetoni pa shqetësime dhe pa u lodhur pas shumë vite punë, fshati i Santa Familia në Cayo, po ju thërret. Jeta në Cayo, Belizë, është bazike, e thjeshtë dhe e ëmbël. Cayo është një vend i hapur, ajër të pastër, diell i ngrohtë, duke e bërë atë një vend fantastik për të kaluar jetën aty.
Pau, Francë
Franca është vendi i superlativave. Njihet për cilësinë e jetës, kujdesin e shkëlqyer shëndetësor, ushqim i pasur, si dhe artin dhe modën në majat më të larta. Është një nga vendet më të bukura dhe romantike në botë. Për shumë njerëz, jeta në Francë është një përcaktim i jetës së mirë, mes sharmit dhe jetesës së pakrahasueshëm me vendet e tjera. Në këtë kontekst, Pau, njihet si qyteti i gjelbërt, për shkak të shkallës së energjisë së gjelbërt për metër katror; një nga qytetet me shkallën më të lartë të pastërtisë. Pau njihet dhe si qyteti i universiteteve, më rreth 12000 studentë të cilët e ndihmojnë këtë qytet të jetë i gjallë. Anglezët dhe Europianët e veriut vijnë në këtë vend për të kaluar jetën e tyre të mbetur.
Chiang Mai, Tailand
Që nga vitet 1800, qyteti Thai i Chiang Mai mbizotërohet nga një kohë fantastike, jetesë e lirë, arkitekturë dhe histori e pasur. Zemra e këtij qyteti shtrihet brenda mureve të vjetra ku tempujt e vjetër dhe modern të Budistëve bashkëjeton me ndërtesat, shkollat ndërkombëtare dhe qendrat publike të qytetit. Chian Mai modern shtrihet përtej mureve të lashta dhe ofron qendra tregtare, dyqane dhe çdo gjë që i përket pas shekullit të 21-të. Avantazhi më i madh që ka ky vend është kostoja e jetesës në përgjithësi si dhe kujdesi shëndetësor në veçanti. Një çift mund të jetojë qetësisht dhe komfort me më pak se 1100$, dhe të takojë një mjek anglez për më pak se 20$.
Playa de Carmen, Meksikë
Playa de Carmen është një qytet i vogël bregdetar dhe ndodhet 1 orë larg Kankunit të Meksikës. Është një qytet bregdetar e cila ofron një kohë fantastike, kosto të përballueshme dhe një mrekulli bregdetare të paimagjinueshme. Jo më kot jetojnë rreth 10.000 mijë shtetas të huaj, të cilët kanë zgjedhur për të jetuar kohën e mbetur.
Barcelona, Spanjë
Barcelona shtrihet në pjesën verilindore të Detit Mediteran, një qytet ku kombinohen ngjyrat, nderi, eficenca dhe organizimi i Katalanasve. Ky qytet ka një energji të jashtëzakonshëm, e cila nuk ka pësuar luhatje nga vazhda ekonomike, kulturore dhe administrative e Katalanasve. Qyteti i dytë më i madh i Spanjës është i thjeshtë për t’u eksploruar, kompakte, dhe ka shumë oportunitete për tu zbavitur, shijuar dhe eksploruar. Arkitektura pre-romane në moderniste vështrohet në çdo cep. Ky është një qytet i galerive, muzeumeve, monumenteve, teatrove, restoranteve dhe dyqaneve; të gjitha pranë plazhit.
Granada, Nikaragua
Granada është një qytet i bukur, me një histori të turbullt, e cila shfaqet romantike, poetike, e dhimbshme, dhe e lirë. Kostoja e jetesës është mjaft e përballueshme. Vendndodhja e saj, mes dy liqeneve të mëdha, majës vullkanike, maleve të larta dhe pyllit të dendur e bëjnë atë një vend fantastik për tu shijuar.
Paris, Francë
Jeta në Paris është aq e mirë sa s’krahasohet me asnjë vend tjetër. Kostoja e jetesës mund të jetë e menaxhueshme. Parisi është “ëndrra amerikane” dhe stili i jetës modern. Parisi është vendi ku makina nuk është e domosdoshme, dhe për më pak se 1 euro mund të shkosh kudo në qytet. Ju mund të vizitoni dyqanet e verës, monumentet, muzeumet, teatrot, kafenetë, dhe restorantet në çdo cep të qytetit. Një nga avantazhet që ofron ky qytet janë shërbimet familjare të përballueshme, për stilin dhe famën që ofron Parisi.
Ada Xhagolli/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.