10 vite nga liberalizimi i vizave, Basha: “Do bëjmë të mundur edhe integrimin e Shqipërisë në BE”
Kryetari i Partisë Demokratike, Lulzim Basha, gjatë një bashkëbisedimi me gazetarët, me rastin e 10-vjetorit të liberalizimit të vizave, deklaroi se qeveria e ardhshme e drejtuar nga ai, do të realizojë një tjetër arritje të madhe; integrimin e Shqipërisë në Bashkimin Europian.
“Siç kemi bërë realitet heqjen e vizave në një bashkim të ri të shqiptarëve kështu do të bëjmë të mundur edhe një hap tjetër shumë të rëndësishëm për ndryshmin e Shqipërisë që është anëtarësimi i Shqipërisë ën BE. Dhe pikërisht në këtë ditë të errët për vendin, shoqërinë, thirrja ime e parë ndaj çdo shqiptari është kini besim. Kemi bërë gjëra të mëdha bashkë dhe kemi treguar se vështirësi në dukje të pakapërcyeshme i kemi mundur dhe të mirat i kemi shijuar dhe vazhdojnë ti shijojnë të gjitha shqiptarët.”
Gjithashtu, kreu i opozitës komentoi edhe buxhetin e vitit 2021, duke thënë se nuk adreson emergjencat që ka ekonomia shqiptare, ndërsa shtoi se e vetmja shpresë është bashkimi i shqiptarëve me Partinë Demokratike.
“Kemi të gjithë mundësinë për ta mposhtur këtë të keqe dhe për të rikthyer përsëri pozitivit, normalitet, rritje ekonomike dhe punësim, për t’i vënë fre emigracionit dhe për të gëzuar jetën tonë, me familjet tona, në vendin tonë me një ekonomi që rritet dhe krijon vende pune dhe një qeveri që nuk ju bëhet barrë me taksa të larta, padrejtësi arrogancë dhe pafytyrësi të përditshme. Është plotësisht e mundur, fuqinë e keni ju, votën e keni ju. ”
Gjatë fjalës së tij, Basha deklaroi se ka marrë mbështetjen e partnerëve ndërkombëtarë për të siguruar në kohë vaksinën kundër Covid-19.
Lidion Kulla / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.