100 ditët e para të qeverisjes – Rama liston operacionet e para që do të ndërmarrë
Kryeministri Edi Rama është duke u përgatitur për operacionet që do të ndërmerren nga qeveria e re në 100 ditëshin e parë të qeverisjes.
Rama ka bërë një postim në rrjetin Facebook ku ka listuar disa nga operacionet që do të ndërmerren por në të njëjtën kohë ka kërkuar edhe opinionin e qytetarëve.
Një pjesë e operacioneve të bëra publike nga Rama shkojnë përtej 100 ditëshit.
Këto operacione lidhen me administratën, luftën kundër informalitetit, sigurinë ushqimore, luftën kundër kanabisit, dëgjesa për buxhetin 2018, pastrimin e territorit, reforma e ujit etj.
Këto operacione të renditura si të parat që do të ndërmerren nga qeveria e re vijnë pas turit të dëgjesave publike të zhvilluara në të gjithë vendin nga Kryeministri dhe deputetët apo strukturat e tjera të Partisë Socialiste.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.